വരികെന്റെ സൌന്ദര്യ സങ്കല്പ്പമേ നീ ..
വരളുമെന് ഹ്രുദയത്തില് ന്രുത്തമാടാന് ..
പിടയുമെന് നെഞ്ചിന്റെ സങ്കീര്ത്തനത്തില് ,
പ്രണയമാം കൊലുസ്സിന്റെ താളമേകാന് ..
ഇന്നു ഞാന് കടലിനെ പുല്കാന് കൊതിക്കുന്നു
നീയെന്ന കടലില് ചേരാന് വിതുമ്പുന്നു
പഴകിയ ഒരോര്മ്മയില് ചലനം മരവിച്ചു
കരയിലെ മണലുപോല് ഞാന് കിടക്കുന്നു ..
പിരിയാന് തുടങ്ങുമീ ജീവന്റെ നാടിയില് ,
വരിക നീ സാഗര തിരമാല പോലെ
മോക്ഷം പരത്തുമാ കൊലുസ്സണിഞ്ഞെത്തി നീ
ഒരു മാത്ര വീണ്ടും നടനമാടു ..
പൊഴിയുമെന് സിരയിലെ ചെന്തീ കനലുകള് ,
അണിയു നീ മാംഗല്യ സിന്ദൂരമായി ..
കഥകളും കണ്ണീരും മറയുമീ പുലരിയില്
മുഴങ്ങട്ടെ വീണ്ടും കൊലുസ്സിന്റെ കൊഞ്ചലുകള്
ജീവന്റെ തുടികളില് മരവിപ്പ് പോലെ ,
നിറയട്ടെ പ്രണയമെന് തൂലികത്താരയില് …
No comments:
Post a Comment