കടലോളം കണ്ണുനീര് ശേഷിക്കുമാ കണ്ണില് നിന്നു
ഒരു തുള്ളി കണ്ണുനീര് ചോദിച്ചു വാങ്ങി ഞാന്
അതു പക്ഷെ നിന്നിലെ കണ്ണുനീര് കാണുവാന് കൊതിച്ചല്ല
മറിച്ച് അന്യനായ് മാറുവാന് നീ പറഞ്ഞപ്പോള്
ഉള്ളിലെ നോവുകള്ക്കുത്തരം തേടിയപ്പോള്
കണ്ടെത്തിയില്ല നിന് കണ്ണുനീരല്ലാതെ മറ്റൊന്നും
നിന്നിലൂടൊഴുകുമാ അശ്രുക്കളത്രയും
ഞാന് ചെയ്ത പാപമായ് മണ്ണിനോടലിയും
കണ്ണുകള് കനലിന്റെ വേദിയായ് മാറുമ്പോള്
നിന്നെ കടവില് തനിച്ചാക്കി യാത്രയാകും ഞാന്
ഒരുവേള നിന്നെ പിരിയുന്ന നിമിഷം
എന് പ്രാണന്റെ അവസാന കണികയും മാഞ്ഞെങ്കില്
ഒന്നു നീ അറിയണം ……..
അടുക്കാന് ഒരുപാടു മോഹമുണ്ടെന്നാലും ,
അകലാന് കല്പ്പിച്ച മനസ്സിന്റെ മുന്നില്
കണ്ണുനീര് വാര്ക്കാനെ എനിക്കാവൂ ..
ഇന്നു നീ ഇരുളില് തനിച്ചായി എങ്കില് ,
കാരണം നീ മാത്രം , നീ മാത്രം .......
ഇരുളിന്റെ മറവില് നിന്നെ തലോടുമാ
നിഴലിനെ നോക്കു നീ……
ഒരുവേള നിനക്ക് എന്നെ അറിയാന് കഴിഞ്ഞേക്കും
വെളിച്ചത്തിനായ് നീ അലഞ്ഞെന്നാല്
നിഴലിന്റെ മറപോലും ബാക്കിയാവില്ലാ ...........
No comments:
Post a Comment